Gumawa ako ng sulat para kay Marko. Ngayon, kailangan ko itong ibigay sa kaniya. Kaso parang hindi ko kayang iabot sa kaniya ng harapan. Nakakahiya.
"Naku, Anne. Ang problemahin mo muna ngayon ay ang sulat kamay mo. Para itong hinalukay ng manok, e," bulong ko habang problemado na nakatingin sa sulat ko.
Sa pad paper ako nagsulat pero naisip ko na mas maganda siguro kung dito sa bond paper na lang. Hindi naman ako estudyante para itong pad paper na mayroon pang pulang guhit ang gamitin kong sulatan ng love letter para kay Marko.
Pero nang subukan ko, nadagdagan lang ang pagkayamot ko. Pababa, pataas at akala mo dagat dahil paalon-alon.
Ilang oras ang nilaan ko pero hindi talaga magandang tingnan.
Hindi ko na lang hinabaan ang sulat ko para hindi ako mahirapan. Mas maganda kung hu
