"Ano'ng nangyari kagabi?"
Nagulat pa ako kay Ate Rose dahil bigla-bigla na lang siyang nagsalita sa likuran ko.
Maaga akong bumangon. Hindi ko nga alam kung nakatulog ba ako. Basta ang alam ko lang ay nakatulala ako sa magdamag. Pakiramdam ko din ay sobrang gaan ko at para akong lumulutang sa alapaap.
"Magkuwento ka dali!"
Gising na din ang Mama niya. Dumiretso ito sa coffee maker upang magtimpla ng kape.
"Ayun, Ate. Tinulungan ko siya sa groceries niya..."
"Tapos?"
"Um-order siya ng pagkain para sa aming dalawa. Tinulungan ko siyang mag-ayos ng mesa, nagkabanggaan kami, hawak niya iyong isang pitsel ng tubig. Tapos nabasa ako. Pinahiram niya ako ng bathrobe niya."
Patiling tumawa si Ate Rose. "Nagpunta si Craig doon?"
Paano niya nalaman?
Marahan akong tumango. "Galing iyon
