"Ano'ng pinag-uusapan niyo?" Hindi namin napansin na lumabas na pala sina Craig at pinsan niya. Palapit na sila sa amin. Sobrang lalim ng iniisip ko kaya hindi ko sila napansin.
"Wala," sabi ni Madam.
Nagtatanong namang nakatingin sa akin si Craig. Ngumiti ako at umiling.
Nagpaalam na ang pinsan niya. Si Madam ay dito daw maghahapunan dahil late na uuwi ang daddy ni Craig. Aalis lang daw sila kapag natapos nang magligpit ng mga kasama niyang kasambahay.
Napagod ako sa maghapon kaya pagkatapos kong maligo, nakaramdam ako ng matinding antok.
Hinaharot ako ni Craig at pilit na pinapaamin tungkol sa pinag-usapan namin ng kaniyang mommy pero hindi ko sinabi sa kaniya.
Yakap niya ako at panaka-nakang hinahalikan ang aking batok. Nakatagilid ako habang nakayakp naman siya sa akin mula
