Agua’s POV
“Hindi. You already had me, but you lost your chance, Ian. Hindi na kailanman,” mariin kong saad ngunit may pagdududa sa sarili ko kung kaya kong panindigan ang sinabi ko. Ayaw ko mang magsalita ng patapos ngunit galit ang bumabalot ngayon sa puso ko, masyadong sariwa pa ‘yung sugat.
Hindi ganun kadali ang lahat, na isang paghingi ng tawad lang ay kaya niyang tanggalin lahat ng ginawa niya sa ‘kin. Kahit parang may bahagi ng puso ko ang nais maniwala sa mga sinasabi niya ay hindi nito kayang kumbinsihin ang parte ng puso kong sobra niyang sinaktan, hindi nito kayang bawiin ang sakit na idinulot niya rito. Nadala na ang puso kong maniwala. Takot na itong magtiwala pa muli sa kanya sa ilang beses niyang paulit-ulit akong dinurog. Hindi lang naman niya ako sinaktan, tinapakan ni
