CHAPTER 26
Jewel's POV
MAKALIPAS ang halos isang oras na paghihintay sa labas ng guidance office ay lumabas na din ang kamoteng tinubuan ng mukha. Oo, si Roie nga, ang mayabang na kamahalan. Kasunod naman n'ya ang isang lalaki na tatawa-tawa pa.
"Going straight?" ani Roie sa kasama.
"Not really."
Napakunot naman ang aking noo. Parang pamilyar sa akin ang lalaking ngayon ay kasabay na ni Roie maglakad. Mula sa likuran nila ay pinagmasdan ko ang mga tattoo ng lalaki sa braso. Parang nakita ko na s'ya kung saan.
"Now I know where to find you idiot," tinapik pa ni Roie ang balikat ng kasama.
"You're not welcome here," sagot nito saka lumingon sa akin. "Nice to see you again."
Biglang nagbalik sa alaala ko ang lalaking mukhang goon na nakita ko sa labas ng ospital. S'ya iyon! Hindi ako
