Monster
“NAKAUSAP mo ang ama ko?” muling pag-uulit ni Arvie na tila ba hindi pa nakuntento sa ilang beses kong pagbanggit kay Don Miguel.
“Oo–Arvie!” tili ko at napakapit sa handle nang bigla’y mabilis niyang paandarin ang kotse.
Mas lalo akong napaiyak sa takot nang walang pake sa mga nakakasabay o nakakasalubong naming mga sasakyan na mas pinaspasan ni Arvie ang pagmamaneho.
“Stop the car! Mababangga tayo!” sigaw ko nang muntikan kaming sumalpok sa kotseng makakasalubong dahil wala na siya sa tamang lane.
Pero tila walang naririnig na nagtatagis ang bagang na nagpatuloy siya sa ganoong pagmamaneho.
“Elias!” sigaw ko sa pangalan ng anak namin. “P-paano si Elias kung maaksidente tayo? Please, Arvie. Slow down.”
Malakas siyang sumigaw at pinaghahampas ang manibela pero kahit paan
