Kabanata 77
Kahit pa sobrang latang-lata ng katawan ko sa dami ng problemang dinaramdam ko, pinilit ko pa ring pumasok sa mga klase ko. Ayaw pa ni Lincoln ngunit wala siyang nagawa nang magpumilit akong gumayak. Naglalakad na kami papunta sa lecture building dahil nagpumilit si Lincoln na ihatid ako, nang salubungin kami ng assistant ng Principal. Nakita ko pa lamang siya ay alam ko nang may pabor na naman silang ipapagawa. Tiningnan ko si Lincoln at sinenyasan siya na mauna na. Ayaw man niya pero wala siyang magawa. Iginiya ako ng assistant patungo sa Principal's office, sa meeting room nito. Hindi pa ako nito nagawang paupuin ay sinabi na niya ang pabor niya sa 'kin. "I need you to bring back Nicholas Wardolf, Miss Cage," aniya sa akin sa nagmamakaawang boses. "We won't be able to last until nex
- Writer
