Papunta ako sa library nang makasalubong ko si Arkane na nakangiti sa akin. Mabilis akong lumapit sa kanya at niyakap ko siya na kinagulat nito. Natutuwa lang ako na makita siya dahil hindi na kami nakapag-usap pa after nang bumalik ako sa school a few days ago. May away games din kasi sila pero ilang araw lang ‘yon. Ang balita ko nga sila ang nangunguna sa standing with only one lose habang team nila Zicco ay natalo ng tatlong magkakasunod. Ito na ba ang karma niya? Gusto ko ngang mag-celebrate kasama siya pero aalis na bukas si Lolo kaya susulitin ko ang araw na ito na kasama siya.
“Congratulations!” bati ko sa kanya at binitawan ko siya. “Parang naaamoy ko na ang championship para sa inyo.” masaya kong sabi sa kanya. Nahihiya siyang napahawak sa kanyang batok at umiling siya.
“Well,
