Hindi ko inaasahan na magigising na lang ako na ganito katahimik ang buong kuwarto. Nagulat pa ako nang pagbangon ko ang daming tao pala na narito. Buong Student Council Officers ay narito na ikinagulat ko talaga, lalo na at sobrang tahimik din nila na waring naghihintay lang ng tamang timing para makapagsalita.
"Wala ba kayong sariling kuwarto?" iritang tanong ni Lery habang nakahawak na 'to sa batok niya.
Mukhang sumasakit na 'to dahil sa ginawa ni Ayu noong madaling araw. Sana naman ay huwag na niyang ungkatin pa.
"Kanina pa kami rito," usal ni Poland. "Hapon na kaya." Habang nakatingin na siya sa kaniyang relo.
Bago pa makapagsalita si Lery ay biglang bumukas ang pinto ng banyo. Niluwa roon si Ayu na nagpupunas ng kaniyang basang buhok habang nakaayos na siya. Natigil p
