Walang oras na sinayang ay kaagad ng humayo si Yohan upang magpunta sa sinasabi ng matanda na kaharian ng mga tao.
Samatala... sa kubong ginalulugaran ng mga kaibigan ni Yohan ay makikita ang matanda na ngayon ay unti-unting bumabalik sa orihinal nitong anyo, isang anyo ng hindi matanda ngunit dalisay at maamong mukha ang iyong maaaninag mula rito.
Matatatalas na tenga, nakalugay at kulay puting buhok, nakapulupot din sa buong katawan nito ang nagkikislapang mga baging na para bang napakaraming alitaptap ang nakasunod sa kanya.
Tinatawag ang mga lahi nila sa mundong ito bilang mga Elves, na napapabilang sa mga nilalang na may angking kagalingan sa iba't ibang larangan, mapamahika man o medisena.
Lumabas siya ng kubong iyon at pinagmasdan si Yohan na ngayon ay mabilis na lumilipad palay
