"Ate, kumain kana nag-aalala na ako sa kalagayan mo baka ano ang mangyari sa inyo ni baby!" ani ni Abegail sa akin.
Hindi lang ako sumagot at umiyak nalang nang umiyak. "Simula ng dumating ka dito sa bahay wala ka ng ginawa kundi ang umiyak lang nang umiyak tsaka nagmumukmok ka dito sa kwarto," dagdag pa nito.
"Huwag mo na akong pansinin. Okay lang ako, medyo masama lang ang pakiramdam ko kaya kailangan ko lang ng pahinga," sabi ko naman sa kanya.
Niyakap ako ni Abegail sa aking likuran. "Ayaw kong nakikita kang ganyan Ate, alam mo ba na sina Crystal at Andrew ay malungkot na rin dahil nakikita nila ang sitwasyon mo?! Magpakatatag ka naman alang-alang sa magiging anak mo at para na rin sa amin!" sabi pa ni Abegail sabay haplos sa aking likuran.
Bumahon ako sa aking pagkakahiga. "Alam m
