Nagtatalo ang kalooban niya habang pabalik siya sa hospital room ni Marco. Siya lang mag-isa dahil nagpaalam na si Wilma na uuwi na. Alas otso na kasi ng gabi at maaga itong papasok kinaumagahan.
Nagbigay-galang sa kaniya ang mga bodyguard saka binuksan ang pinto. Bumungad sa kaniya ang nakangiting si Marco. Nakaupo ito sa kama at nakasandal ang likod sa head board. May nakakonekta na suwero sa kabila nitong palapulsuhan.
"Where have you been, baby?" saad nito habang mataman na nakatingin sa mukha ng dalaga.
"Sa canteen. Nag-usap kami ni Wilma. Tulog ka kaya kumain muna ako." Inilibot niya ang paningin sa kabuuan ng kuwarto at nang hindi niya mahanap ang driver ay nagtanong siya, "Nasaan si Mang Ben?"
"Umuwi muna sa pamilya niya. Babalik din siya bukas."
"I see. Anyway, kumusta na a
