Chapter 31
Alis
Pagkatapos kumain ay umakyat kami ni Wayne sa kwarto. Gising na si Gabriel at naabutan kong may kung anong sinusulat sa papel. Tumagal ang kaniyang titig sa akin bago binalingan si Wayne.
Dahil iisa lang ang bangko ay naupo ako sa gilid ng kama ni Gabriel. Bahagyang tumaas ang kilay ni Wayne.
“Kung may magandang dulot man ang pagkaka-ospital mo ay ang iyon ang pagkaka-postpone ng hearing. Galing akong justice hall kanina. May ilang araw pa tayo bago makapaghanda,” aniya.
Kinuha ni Wayne ang briefcase na dala at may kung anong binunot. Habang naglalabas ito ng mga dokumento ay sinilip ko si Gabriel na pasimpleng itinatago sa drawer ang hawak na ballpen at papel. Nagkatinginan kaming dalawa.
“Ano ang ginagawa mo?” bulong ko.
Tahimik itong umiling at tinaasan lamang ako
