Chapter 35
Tatlo
Napaawang ang aking bibig. Bahagyang tumango sa akin si Fermin. Ilang sandali pa ay dinala sila ng dalawang pulis patungo sa harapan. Nauna si Fermin samantalang ang isang hindi kilalang lalaki ay naupo.
Nagkatinginan kami ni Gabriel. Umawang ang bibig nito at sinilip si Fermin.
“Si PO1 Anthony Fermin?” naguguluhang tanong ni Wayne.
Tumango ako at balisa itong tiningnan. Panay ang iling nito, hindi pa rin makapaniwala. Maging ako man ay hindi aakalaing dadalo ito sa araw ng hearing.
“Please state your name for the court,” ani Judge Perez.
“Anthony Fermin.”
Nagkatinginan kami ng dating pulis na hindi lamang tinawagan ngunit kinita ni Gabriel nang gabing nangyari ang krimen. Tumango ako rito. Bahagyang gumalaw ang kaniyang ulo nang bumaling kay Judge Perez na kritik
