Lumipas ang ilang gabi, sa hindi malamang dahilan, ay may bumabagabag kay Rafael, isang kakaibang palaisipan. Kaya naisipan niyang puntahan si Andrea sa kwarto nito.
Tahimik na binuksan ni Rafael Buenavista ang pinto ng kwarto ni Andrea at naglakad papunta sa gilid ng kanyang kama. Bihira siyang pumasok sa silid na ito, bagama't palagi niyang pinapakuha sa kanyang mga tauhan ang Cctv footage upang matiyak na wala itong ginagawa.
Sa pagpasok pa lang, ang silid ni Andrea ay nagmistulang hardin, ito ang silid ng kanyang prinsesa. May mga palamuti na pinong-pino, mga umiilaw na paro-paro sa mga bulaklak ng rosas na bagong pitas pa lamang sa hardin. Ang kanyang makapal na kurtina na kulay berde ay nababagay sa kulay ng pintura ng kanyang kwarto. Ang bed sheets din niya ay kulay berde, at ang
