Nang malaman ni Andrea na may babaeng assistant si Rafael ay natuwa siya. Para sa kanya sa wakas ay may makakausap na rin siya o maging kaibigan. Normal lang sa kanya ang lahat at kahit kailan wala sa kanyang isip ang pagseselos. Para sa kanya si Claudia ay isa lamang sa mga utusan ni Rafael na pwede niyang lapitan o mapag-tanungan, dahil sa babae din ito. Pero ngayon, napakalayo ng inaasahan niyang mangyari dahil masama ang loob nito sa kanya.
Gayon pa man ay naiintindihan ni Andrea si Claudia. Dahil lang sa sakit kaya labis itong nasaktan para sa lalaking nangiwan sa kanya.
"Aray!" daing ni Andrea.
Biglang sumakit ang kanyang ulo kaya dali-dali siyang nagtungo sa kusina para inumin ang gamot niya na nakalagay sa cabinet malapit sa ref. Ito ang pangatlong beses na sumakit ang ulo niya
