CHAPTER 25
Maghapong naghintay si Nathan sa apartment ni Louise pero walang tao. Kahit nung bumalik siya ng gabi ay walang ilaw roon.
Damn, Louise, where are you!
Isang oras pagkaalis ng dating kasintahan sa townhouse ng mga magulang saka siya dumating. Inabot nito ang chekeng iniwan nito para sa DGC. Pinayuhan siya ng mga magulang na pag-usapan nila ni Louise ang anumang 'di pagkakaunawaan.
Tinikis niya ito ng ilang linggo pagkatapos nang pagtanggi sa kanya at piniling sumama kay Liam. Nanibugho ang puso niya. Hindi niya matanggap na maaaring mapalitan ni Liam ang dating lugar niya sa puso ng dating kasintahan.
Nagpasya siyang kakausapin na ito sa opisina kinabukasan. Pero nagsabi si Cherry na mawawala ito ng ilang araw. Nagpahiwatig naman si Sarah na baka hindi ito bumalik. At nang
