Floreza POV
"MABUTI naman po nay, walang problema sa x-ray nyo at iba pang laboratory."
"Oo nga anak, salamat talaga sa Diyos at maayos naman ang lahat. Gumagaling na rin ang ubo ko at hindi na ako nilalagnat."
Nakahinga na ako ng maluwang sa magandang balita ni Nanay Rosita. Kauuwi lang nila ni Tatay Rogelio galing sa check up. Medyo natagalan sila dahil hinintay pa ang resulta at mahaba haba ang pila sa clinic ng doctor.
"Pero ang sabi ng doctor hindi na sya pwedeng magpakapagod ng husto. Pinayuhan din sya na magpahinga muna ng ilang araw." Ani Tatay Rogelio.
"Pero hindi naman pwede ang ganun, Rogelio. May tungkulin ako dito sa mansion. Nakakahiya naman sa senyor lalo na kay Ser Remus na sa akin pinagkakatiwala ang mga gawain dito sa mansion."
"Kakausapin ko ang senyor na kung pw
