Inis na inis at halos nagdadabog na si Quin nang makapasok sa faculty room. Kung alam lang n’yang tatamaan na naman ng kamanyakan si Pio edi sana ay hindi na s’ya pumayag na magpatulong dito sa paglilinis. Inis na inis s’ya dahil gusto lang naman sana n’yang hulihin ang kung sinong naglalandian sa likod ng stage para mapagsabihan dahil mali ang ginagawa ng mga ito. Sa dinami rami ng lugar na pwedeng mag date ang mga ito ay sa likod pa ng stage at sa loob pa ng mismong school! Kung hindi lang sa pamimigil sa kanya ng pesteng si Pio ay nahuli na sana n’ya ang mga ito at nabigyan ng guidance. Huwag lang talaga n’yang malalaman na isa sa mga estudyante n’ya ang mga iyon dahil malalagot talaga iyon sa kanya.
Inis at halos pasalampak s’yang umupo sa table n’ya. Halos tadyakan na n’ya ang ilalim
