“Pre!”
Narinig ni Pio na tawag ni Fred habang busy s’ya sa paglalaro ng isang online game sa phone n’ya. Friday ng hapon kaya wala s’yang klase, gano’n din ang ibang teacher dahil kasalukuyang nagpapractice ang mga seniors para sa silent drill ng mga ito.
“Ano?” Tinatamad na sagot n’ya dito. Kanina pa s’ya inaasar nito tungkol kina Quin at Jessie na nagtatawanan na naman sa di kalayuang table sa kanila. Ipinagulong ni Fred ang swivel chair nito sa tabi n’ya. Kumunot ang noo n’ya nang makita n’ya itong nakatingin na naman sa gawi nina Quin. Inis na tinabig n’ya ang braso nitong pumatong sa arm rest ng chair n’ya. Tumawa ito kaya lalong nangunot ang noo n’ya habang hindi inaalis ang tingin sa screen ng phone n’ya. Alam na kasi ni Fred ang tungkol sa nangyari sa kanila ni Quin halos mag iis
