[Pamela]
MALUNGKOT na nakatingin siya sa kisame ng kwarto na pinagkulungan sa kanya ni Alaric. Hindi na siya nakalabas magmula ng dalhin siya nito sa bahay na ito. Maging sa kusina nga ay hindi pa siya nakakarating dahil hinahatiran lang siya nito ng pagkain. Gustuhin man niya na tumakas ay hindi rin niya magagawa dahil naka-kadena ang isa niyang paa.
Mahal niya si Alaric, pero sumusobra na ito sa ginagawa sa kanya.
Pinahid niya ang luha na kusang tumulo sa mata niya. Hindi rin ito pumapasok sa trabaho, wala sa personalidad nito ang tamarin sa trabaho, kaya alam niya na binabantayan lang siya nito. Gano'n ito katakot na makatakas siya, dahil sa oras na makatakas siya ay wala na itong magagamit para sa paghihiganti kay Alaric.
Isa lang talaga siyang laruan para rito.
Gusto niyang pumas
