TAHIMIK silang dalawa habang kumakain. Katulad ng araw-araw na nangyayari ay sa kwarto siya kumakain, pero dahil nasa bahay ito ay sumasabay ito sa kanya.
"You like it?" Tukoy nito sa pagkain.
Tumango siya at nagpatuloy sa pagkain.
"I cooked all of this, Pam, because of you." Ngumiti si Alaric. "I'm glad you like it."
Natigilan siya sa pagkain. Ito na naman si Alaric, nagpapakita ng dahilan kaya umaasa siya.
Kumuyom ang kamay niya. "Tumigil ka na..."
Awtomatikong nangunot ang noo ni Alaric at tumingin sa kanya. Bakas ang pagtataka sa gwapo nitong mukha.
"Hindi mo kailangan magpanggap na mabait sa akin. Hindi mo kailangan magpanggap na... na..." Pinigilan niya ang sarili na huwag mabasag ang tinig. "para bang asawa talaga ang turing mo sa akin. Tigilan mo ang pagpapanggap na asawa ko
