Maalat na simoy ng hangin ang humaplos sa pang amoy ko. Galit na sinag ng araw ang nagpapikit sa mga mata ko. Hampas ng mumunting alon ang nagpagising sa kaluluwa ko.
Hinawakan ko ang makirot na ulo ko. Hindi ko na alam kung anong nangyari, basta ang alam ko ay nakatulog ako sa byahe dahil sa sobrang pag iyak.
"Okay kana?" napabaling ako kay kuya Anton na nakaupo sa couch malapit sa hinihigaan kong kama. Lumibot ang mata ko sa paligid at agad kong napagtanto na wala kami sa bahay. Saan ako dinala ni kuya Anton?
Tumingin ako sa kanya. Malalim ang mga mata niya at halatang pagod na pagod. "Natulog kaba, kuya?" naiilang na tanong ko.
Nakatingin kasi siya sa akin na para bang tinitimbang ang nararamdaman ko. Napatingin ako sa sirang gown na suot ko at napangiti ng mapait. Ang luha ko ay n
