14. #AtTheAttic
“Huwag na huwag kang magpapakita at magpaparamdam sa kanila. Hindi sila ordinaryong mga kaaway. Alam mo yan. Malalakas din sila. Higit sa lahat ay may mga lihim silang kapanalig. Hindi natin sila kilala. Wala tayong alam sa mga kakayahan nila. Mag-iingat ka.” Iyan ang mahigpit na bilin ni Eva kay Joven bago iwan ang lalaking bampira sa bahay na pinaglulunggaan nila Jorizce at ngayo’y kinaroroonan din ni Miah.
Mabilis at maingat na inikot ni Joven ang malawak na bakuran. Nagagawa nga niyang hindi makahinga upang hindi maramdaman ng iba pang bampira tulad ng tumulong noon kina Jorizce upang makatakas sa burol. Kahit na kumikilos ay nagagawa pa rin niyang magpigil ng hininga. Halos hindi tumitibok ang kanyang puso. Ang hangin sa kanyang baga ay halos maubos na pero buhay pa
