“First?”
Kabadong tumango si Nina sa tanong ng babaeng katabi niya. Kagaya niya, nakasuot ito ng makinaang na damit na halos panty at bra na lang kung tutuusin.
“Sanayan lang ‘yan,” anito na tinapik siya sa balikat.
Sanay na sanay habang siya ay halos masuka na sa nebyos at hiya. Kaya lang, dapat niyang masanay. Sa una lang naman ang hirap. Kapag palagian na niyang ginagawa, masasanay rin ang sikmura niya. Mawawala rin ang parang hinahalukay na pakiramdam. Susubukan niya na lang na isiping langgam ang nakikita niyang crowd sa Philippine Arena
“Estella, right?”
Estella ang pinagamit sa kanya ni Tita Claire. Nina was too innocent, ayon dito. Estella was sexy. Mas pabor sa nag-iingat ang kilos na kagaya niya.
“Liv,” maikling pakilala nito sa kanya. Pinulot nito ang malaking board na
