Sulitin ang bawat sandali. Dapat walang tapon. Ganoon nga ang ginawa nila ni Baxter. Kumain sila sa isang Italian restaurant na panay ang tawanan. Konting tapon lang kasi ni Baxter ng joke, napapahalakhak na kaagad siya. Nanood sila ng sine pagkatapos. Comedy ang napili nila. Dapat kasi, masaya lang. matapos ang sine, napagdesisyunan nilang basta na lang mag-drive sa kung saan habang baon ang kung anu-anong street foods na naraanan sa daan.
“Naalala mo ang lugar na ito?”
Tinanaw niya ang paligid. May malagong puno, overlooking sa buonf metro. Paano ba niya makakalimutan ang lugar na ito? Dito rin siya nito dinala noon.
“Dito naganap ang first kiss natin noon.”
Kapag naalala niya iyon, hindi niya maiwasang makaramdam ng hiya. Mas bata siya ng ‘di hamak noon pero kapag hinahalikan na s
