Napahagikgik si Patricia nang masalo ng kaniyang plato ang pancake na iniluto ni Kahl-el. Ang sabi nito, kung mayroon daw itong isang alam lutuin, iyon ay walang iba kundi pancakes. Ito raw ang ‘Pancake King’. At upang patunayan iyon sa kaniya ay niyaya siya nito sa kusina. Pero hindi ito king. Nakikita niyang hindi naman ito mahusay magluto niyon na gaya ng sinabi nito. Ilang beses kasi itong sumubok na iitsa ang pancake pero napunta iyon sa kung saan-saang lugar sa kusina.
“Kow, sumakto rin!” singit ni Manay Luz. “Aba’t naipagkrus ko na ang aking mga daliri kako ay parami nang parami ang liligpitin ko.” natatawang sabi pa ng matanda.
“Ako po ang magliligpit, Manay,” tumatawang sabi ni Kahl-el.
Binalewala naman iyon ng matanda at nagsimula nang mag-mop ng sahig. Patuloy sa paggawa ng p
