JOSIE
WALANG TIGIL ako sa pagsigaw at paghampas ng kamay ko sa pinto ng cold room pero kahit anong gawin ko ay walang nakakarinig sa akin. Tanging manipis na cardigan lamang ang sout ko kaya tumatagos na ang lamig mula dito. Huminga ako nang malalim upang kumalma dahil kung magpa-panic ako ay baka hindi ako lalo makapag-isip nang maayos.
“s**t!” mura ko habang pinagkikiskis ang aking mga palad dahil sa lamig. Bakit kaya nagawa ito sa akin ni Benjo? Wala naman akong ginagawang masama sa kaniya.
Hind ko alam kung ano ang gagawin ko dahil ngayon pa lang ako nakapasok sa cold room. Mabilis kong hinanap ang emergency lever pero nang hilain ko iyon pababa ay hindi ko pa rin mabuksan at marahil ay naka-lock ito mula sa labas. Nagsimula na akong manginig at ultimo hininga ko ay umuusok na. Mag
