TAHIMIK NA SUMISIMSIM NG ALAK si Sebastian sa sulok ng lounge ng hotel nang matanawan ang dalawang babaeng pumasok doon. He almost make a tsk-tsk sound. Naiinis kung bakit kailangan pang bumaba ng dalawang babae sa ganoong oras ng gabi. Alas-dies na ng gabi, inaasahan niyang natutulog na ang mga ito. Iba na talaga ang mga kabataan ngayon.
Kanina pang umuwi si Jesson sa sariling bahay nito. Ayaw niya sanang abalahin ang trabaho nito dahil hindi biro ginagawa nitong pamamahala sa mga negosyo niya. Kaso ay wala naman siyang ibang mapagkakatiwalaan na sumama at magmanman kay Jada. Hindi sapat ang mga lihim na bodyguards na sumusunod dito para siguraduhing ligtas ito sa iba pang magtatangka dito. Kaya naman sa panahon na wala ito sa paligid at ang mga bodyguards ay itinatalaga ni Sebastian an
