IT WAS JADA’S FIRST TIME IN AN AMUSEMENT PARK. Iyon na yata ang pinakamasayang araw para sa kanya. Hindi niya mapigilan ang excitement na makatuntong sa ganoong lugar. Pakiramdam niya ay para siyang isang bata na manghang-mangha sa mga nakikita sa paligid. Halos makalimutan niyang kasunod niya si Sebastian at minsan ay nahihiya siya na nakikita nito ang ka-inosentehan niya sa lugar na pinuntahan nila. Pero agad na nawawala ang hiya lalo na at hindi nito iyon pinaparamdam sa kanya. Tahimik lang ito pero mas magaan ang aura nito ngayon at pinagbibigyan ang mga gusto niyang subukan.
Sa ilang pagkakataon din ay nakikita ni Jada ang pagsilay ng ngiti ni Sebastian na lalong nakadagdag ng kasiyahan niya sa araw na iyon. Kung maaari nga lang niyang titigan ang mukha nito nang hindi ito magtataka
