NANG MAIBIGAY ANG MGA DOKUMENTO sa Accounting office ay naisip ni Mariz na daanan na din si Jada sa HR office at abangang matapos ang interview nito doon. Saka nila hihintayin si Jesson sa lobby ng building.
"Good morning, Miss Cel!" Bati niya sa receptionist sa palapag na iyon.
Gumanti ng bati ang ginang at sandali silang nagkamustahan. Nabanggit niya dito na hinihintay niya ang kaibigan na naka-schedule ng interview sa araw na iyon.
"Are you sure, Mariz? Walang naka-record sa log book na may for interview today and besides, may meeting ang buong HR department ngayon hanggang hapon," paliwanag ng babae.
Nagtaka si Mariz. Sa pagkakaalam niya ang HR department ng Calida ang nagsasagawa ng initial interview. Siya mismo ang nakabasa ng notification ng interview invitation para kay Jada da
