K A B A N A T A 81:
Gumalaw ang aking panga habang umiinom ng kape, nasa labas si Diamond para tingnan ang paligid, sinabihan ko naman kanina na matulog muna si Pawn para makapagpahinga kaya pinalitan siya ni Bishop sa pagbabantay kay Heart at Arki sa kwarto.
Nakatuon ang atensyon ko sa kape na tinimpla ni Spade, mula sa gilid ng kanyang mata ay kita ko ang malawak niyang ngisi.
Gusto ko siyang sapakin, tuwang-tuwa ang gago.
Hindi ako nagsalita nang ilapag niya ang isang plato na puno ng pagkain sa aking harapan, siya ang nagluto ng almusal namin.
Pinanatili kong blanko ang aking mukha, hindi ko siya nilingon ngunit alam ko ang titig niya sa akin. Hindi ba naiilang ang gago `tong sa ginagawa niya?
Naramdaman kong hinila niya ang isang upuan upang umupo na rin. Sumimsim ako ng kape at
