Bagsak ang balikat, tuyot ang labi, maitim ang ilalim ng mata at magulo ang buhok. Iyan ang itsura ko pagharap ko ng salamin. Hindi kasi ako nakatulog nang maayos nang mga nakaraang gabi dahil sa mga nangyari. Para akong binabangungot kapag naalala kong muntikan na akong mahulog at mamatay.
Marami rin kasing tanong sa akin ang mga pulis ng araw na iyon. Baka hinimatay na ako kung hindi pa pumagitna si Sir Blade. Lumabas ako ng kwarto at naglakad papunta sa hagdanan nang bumukas din ang kabilang kwarto na inuukupa ni Sir Blade. Sabay kaming napalingon sa isa't isa nang bigla siyang napaatras at namutla.
"What the f**k, Katana?! You look horrible."
Sinamaan ko siya ng tingin. "Puyat face ko 'to."
"Oh? I thought that's your normal face," komento niya sa mukha ko. Alas otso na ng gabi at
