“Very good, Anak. Nasa dean’s lister ka,” nakangiting sabi ni Mama habang tinitignan na ang grades ko sa portal. “Matataas ang mga grades mo. Sabi ko naman sa’yo kayang-kaya mo, eh. Keep it up,” pagpapatuloy niya.
“Thanks, Mom.”
Hindi naman ako masaya pero okay lang…
At least kay Ray masaya ako. Kung hindi nga dahil sa kanya, mababaon ko na lang sa limot ang passion ko. Mabuti na lang pinapaalala niya pa rin sa ‘kin ‘yon.
First year pa lang naman ako kaya kinakaya ko pa. Paano kapag second year na? Maaabot ko pa kaya ‘yong finish line? Kinakabahan na agad ako dahil na rin sa mga nalaman ko sa seniors namin na nasa medical field. Kung ngayon may free time pa kami, pagdating ng second year hanggang dulo ay palagi na talaga kaming busy. Minsan na lang maisingit ang oras para sa sarili,
