Nagbalik ang aking ulirat dahil sa mahihinang bulungan. Nakahiga na ako sa kama, sa nanlalabong pang paningin ay naaaninag ko sa lapag nito ang ilang bulto ng mga katawan. Madilim ang buong silid.
"Kuya Timothy, gising na si Ate Samantha!" sigaw ni Safi na nakaupo sa paahan ng aking kama.
Bumangon ako at walang pag-aalinlangang naupo. Doon tumambad sa akin si Ruth, Clare at MD na kasama sa iisang silid. Sa itsura palang ng silid ay masasabi kong pag-aari ito ni Safi. Mula sa pambatang design na hello kitty, hanggang sa mga gamit at damit na naka-imbak dito.
"Ayos ka na ba?" tanong ng aking kasintahan na nagmamadaling pumasok ng kwarto.
"Oo, p-pasensiya na."
"Sorry Ate Samantha ha," hawak ni Safi sa aking isang kamay, "Maliit lang itong bahay namin dito kaya sa iisang silid lang tay
