HEAVEN
Mabilis akong tumayo sa kama at lumayo sa mga ito.
“Hi, sorry, nagising ka namin,” ngiti na sabi ng isa sa akin. Natatandaan ko ang kulay ng damit niya, so, ibig sabihin, siya ‘yung nagdala sa akin ng pagkain kanina.
Kinusot ko ang aking mga mata at inayos ko ang aking sarili. Bigla akong na conscious sa aking itsura sa harap nila. Kay gagwapo nilang tatlo.
“O-okay lang,” nahihiya na sambit ko at hindi ako makatingin ng deretso sa kanila.
“Huwag kang matakot sa amin, mababait kaming tatlo. Kung gaano kabait si Clint sa ‘yo, ganun din kami.” sabi naman ng isa.
Napalunok ako. Parang natakot ako sa aking narinig na sinabi nitong kasing bait nila ang kapatid na si Clint. Eh hindi naman mabait sa akin si Clint, kaya kung katulad ni Clint ang ugali nila, dapat akong matakot sa
