MIKA
Panaka-naka kong tinitingnan si Uno na nasa balkonahe habang may kausap sa phone. Parang importante ang pinag-uusapan nila dahil seryoso ang kanyang mukha. Ayaw ko siyang maantala sa kanyang pakikipag-usap kaya minabuti ko na lang ulit na abalahin ang aking sarili sa paglilinis dito sa kusina.
Wala si Daisy dahil namamalengke siya kasama si Kuya Lester. Gustong-gusto ko sanang sumama dahil nababagot ako dito kaso ito namang si Uno, hindi nagsasalita kapag nagpapaalam ako. Hindi naman bingi ang lalaking ‘yon para hindi marinig ang paalam ko kaya sa huli hinayaan ko na lang na si Daisy ang umalis. Nakakaawa lang kasi dahil medyo marami siyang bibilhin ngayon. Pero kasama niya naman si Kuya Lester kaya okay na rin.
Lumukob sa loob ng kusina ang boses ni Uno habang may kausap pa rin. B
