Nagising ang dalaga at nagbihis. Nasa sea side lang naman ang club kaya madali lang matunton. Nakasuot lamang siya ng beige colored sundress at basta na lang inilugay ang mahaba niyang may pagka-kulot na buhok. Naglakad na siya palabas suot ang flat strappy sandals niya. Napangiti siya nang magkita ang napakagandang beach sa harapan. Patuloy lamang siya sa paglalakad at napahinto nang makita ang sunset.
"Ang ganda," nakangiting sambit niya.
"Ang ganda no?" ani ng isang boses babae sa likod niya. Nilingon niya ito at nginitian t'saka mahinang tumango.
"Oo nga eh, ngayon lang ulit ako nakakita ng ganito kagandang sunset," sambit niya. Lumapit ito sa kaniya at naglahad ng kamay.
"Marionette," ani nito. Kaagad na nginitian niya ito.
"Khadessi," sagot niya.
"Nice to see you, khadessi
