Napamulat ang dalaga nang hindi namalayang nakatulog pala siya sa lamesa habang naghihintay sa binata. Tiningnan niya ang wall clock at alas diyes na ng gabi. Huminga siya nang malalim at kinuha ang cellphone t'saka tiningnan kung may message ba ang binata. Nang makitang wala ni isa ay napaub-ob siya sa mesa. Malungkot na itinaas niya ang kaniyang ulo at naiiyak na napatingin sa mga pagkain sa mesa na tinakpan lang niya. Kinuha niya iyon at kumuha ng kakainin niya. Ayaw man niyang layuan siya ng grasiya subalit hindi niya talaga maiwasang hindi makaramdam ng pagtatampo sa asawa niya.
Napatingin siya sa pinto nang makitang wala pa rin. Uminom na siya ng tubig at pumunta na sa kuwarto niya. Huminga siya nang malalim at hinanap ang pangalan ng binata sa contacts niya. Nagdadalawang-isip siy
