Naglibot libot ulit ako sa buong bahay habang lumabas saglit si Acey. Puro tulugan lang talaga ang second floor pero may malaking library tapos ang first floor ay kusina, dinning area at sala. May malawak na garden din na may fish pond at may rooftop. Simpleng simple lang talaga ang kinuha nyang bahay.
Lumabas ako ng dinning area at naupo sa couch. Hindi naman ako napagod kakalibot dahil hindi naman ito gaano kalawak. Tumingin ako sa hagdanan tapos sa itaas, kita ko dito ang kwarto ni Kevin at ng kambal. Ibinaling ko ang tingin ko sa tabing pader ng hagdanan at may napansin ako rectangel na guhit. Kumunot noo ko at pinunutahan iyon.
Nasa gitna ng hagdanan sa pader nakapwesto ang rectangle na guhit. Pinagmasdan ko muna ito tapos hinawakan pero nagulat ako na bigla itong lumubog.
"Hala!"
