"Hi, girl! Nakita ka din namin sa wakas!"
Nagulat ako nang lapitan ako nina Bambie. Kalalabas ko lang nang department store. Ang liit talaga ng mundo at kahit ano'ng pilit kong iwasan ang mga babaeng ito ay tadhana na talaga ang gumagawa ng paraan.
Nakipagbeso sa akin ang tatlong mga babae. Si Aeriel nga ay umabrisyete pa sa akin. Akala mo close pa din kami kahit na ilang taon na ang lumipas. At sa pagkakaalala ko bago ako umalis ng bansa ay matagal ng may lamat sa pagitan namin.
"Bakit hindi ka nagpunta sa alumni homecoming natin nang high school?" Parang bata na ngumuso ang babae. Nakulangan pa yata siya sa lip filler na pinagawa niya.
"Tatlong taon ka din naman doon, ah... Bakit hindi ka um-attend?" Tiningnan ko si Bambie. Naging manipis na ang kaniyang ilong. Matangos at maayos
