"Good morning po!" Bungad na bati ko kay Manang Delia at Melissa habang nag-aayos ng hapag-kainan.
"Magandang umaga naman, hijo." Ganting bati ng asawa ng katiwala ng resthouse na si Mang Gusting.
"Magandang umaga, Senyorito." Mahaba ang ngiti ni Melissa, ang anak nina Mang Gusting at Manang Delia.
"Good morning din, Melissa. Kuya Wesley na lang." Nakarinig ako ng mga yabag papasok ng dining area. "Oh, Victor. Kamusta ang sugat?"
"Heto, ayos naman. Malayo sa bituka." Sinipat nito ang handang agahan sa mesa. "Ang sarap naman ng mga 'yan. Bacon, egg roll, garlic rice, danggit. Kailan ba tayo huling kumain?" Naupo na ito sa mesa.
"Hindi ko rin maalala. Ang hirap pala ng buhay ng mga pulis, lalo na kapag maraming kasong hawak." Naupo na rin ako sa mesa saka nagsandok. "Manang, kumain na
