Nakatayo sa harapan ng bintana si Warren. Nakatingin ang mga mata sa labas at pinagmamasdan ang paligid sa gitna ng gabi.
Ilang sandali pa ay humugot ng malalim na hininga si Warren. Hanggang ngayon ay naglalaro sa kanyang isipan ang mga sinabi sa kanya ng kakambal na si Warson. May bahagi sa kanya na bumibigat sa tuwing maiisip niya iyon.
Lumipas pa ang maraming minuto nang mapagpasyahan ni Warren na talikuran na ang bintana at tiningnan ang kakambal na nakahiga sa sofa at mahimbing na ang tulog. Mataman niya itong tiningnan. Muli siyang huminga nang malalim at malalim na nag-isip.
“Masyado na ba kitang pinapahirapan?” bulong na tanong ni Warren.
Alam naman ni Warren ang sagot sa tanong niyang iyon. Nakikita niya kay Warson pero gusto lang naman niya na manatili silang magkapatid, iyo
