Abala ang lahat ng tao sa mansyon. Kanya-kanyang toka sa gawain ang mga katulong at trabahador para sa paghahanda sa pagbabalik ni Warson ngayong araw.
“Sarapan niyo ang luto. Bilisan niyo na rin para bago pa dumating si Warson ay nakahanda na ang lahat.” utos ni Rodrigo sa mga katulong.
“Yes, Sir.”
“Kayo diyan, ayusin niyo ang paglalagay ng mga dekorasyon. Gusto ko perpekto ang bawat detalye,” wika pa ni Rodrigo sa mga trabahador na abala naman sa pag-aayos ng paligid ng mansyon.
“Yes, Sir.”
Ngumiti si Rodrigo. Hindi maikakaila sa mukha niya ang pagkasabik sa muling pagbabalik ng anak dito sa mansyon kaya naman kailangan na engrande ang maging sorpresa niya para rito.
Isang malaking selebrasyon ang magaganap para sa pagbabalik ni Warson ng mansyon.
Patuloy pa rin sa paghahanda ang
