NARIRINIG ko ang pagtawag sa akin ni Helena ngunit hindi ko siya pinansin. Patuloy lang ako sa mabilis na paglalakad habang patuloy din siya sa paghabol sa akin.
“Excuse me, Miss! Hindi mo ba ako naririnig?” may kalakasan at may halo nang inis na tawag niya sa akin. Sa halip na tumigil ay tinakbo ko ang isang pinto na patungo sa kitchen. Kabisado ko ang gusaling ito maging ang mga opisina dito. Narinig ko din ang pagtawag ni Daddy at Phillip kay Helena. Pagpasok sa kitchen ay agad kong namataan ang mga katrabaho na abala sa pagluluto. Halatang nagulat sila nang makita ako, ngunit dahil sa dami ng trabaho ay nagkibit-balikat na lang sila at hindi na nag-abalang magtanong. Dahil sa kusina ako nagtungo ay hindi na ako nagawang sundan ni Helena. Dumiretso ako sa exit patungo sa likod na bahag
