Kabanata 35
Isang linggo na simula noong nilibing si Dyessie. Kahit papaano ay bumalik na ang sigla ni Dion, sumasama na siya kay Hacov lumangoy sa swimming pool. Kahit takot si Hera ay sumasama siya basta naroon ako o 'di kaya si Rihav na pwede niyang makandungan sa pag-upo.
Sariwa pa ang lahat ng nangyari sa kanya pero alam kung nalalabanan niya ang sakit na dinadamdam niya. Ibang iba na siya sa Dion na nakilala ko noon, maldita at hindi marunong rumespeto pero ngayon lumalabas na ang tunay niyang ugali. Malambing siya at magalang, hindi na siya pumapatol kay Hacov kung ano man ang asar nito. Kusa na siyang umaalis at pumupunta kay Hera para maghanap ng kakampi.
Kasalukuyan kaming naghahanda ni Rihav ng makakain namin sa tanghalian. Wala na ang mga kasambahay ni Rihav sa bahay, gusto
