"Allison, sama ka sa 'min."
Nilingon ni Carson ang papalapit na si Roberta. May malawak itong ngiti sa mukha at nagmamadaling lumapit sa kaniya. Kinunutan n'ya ito ng noo dahil hindi naman n'ya alam na may lakad ang grupo.
"Saan?" Tanong n'ya rito.
"Sa Domago raw kasi, may bagong peryahan na inilagay kahapon. Gustong maglaro nila Vicky, sasama kami. Tara." Excited na sambit nito.
Umawang ang bibig ng dalaga nang marinig ang pangalan ng lugar na pupuntahan ng mga 'to. Yumuko s'ya ng bahagya at saka natawa ng mahina. Akalain mo 'yon, talagang gusto s'yang ilapit ng tadhana sa kung saan n'ya balak magpunta.
"Hindi na muna ako sasama. Medyo masama ang pakiramdam ko," aniya rito kaya humaba ang nguso ni Roberta.
"Ay ganun," may kalungkotang sambit nito. "Sayang naman. Sige, kami na
