"Kamusta naman ang lakad ninyo?"
Nag-angat ng tingin si Carson upang tingnan si Tatay Johnny na s'yang nagsalita. Nakangiti itong nakatingin sa kanila. Hindi n'ya naman alam kung ano ang mga hitsura ng kaniyang mga kasama dahil tabi-tabi silang naka-upo dito sa upuan na kawayan na nakapalibot sa malaking katawan ng puno ng mangga.
"Malawak po pala ang Claribben talaga."
Kumunot ang noo ni Carson nang marinig ang boses ni Jay-r. Hindi ito palasalita ngunit hindi rin naman malamig makitungo. Parang s'ya lang. Mapagmasid ito kaya nagulat s'ya nang ito ang agad na sumagot.
"Kung marunong kayong mag-ingat, tatagal ang buhay ninyo rito sa Claribben. Karamihan sa mga nasa baba ay kakampi naman natin. Matatakot sila sa inyo kaya wala ni isa sa kanila ang maglalakas loob na isumbong kayo," n
