"Unang kita ko pa lang sa 'yo ay alam ko na agad na may taglay kang katapangan."
Nag-angat ng tingin si Carson upang tingnan ang kaharap nang marinig ang mga salitang sinabi nito. At habang inaayos ang tali ng kaniyang sapatos ay hindi naaalis sa kaniyang isipan ang eksena na ginawa nila kanina.
"Ang mga gano'ng klaseng tao ay walang karapatang mabuhay." Seryosong saad n'ya at saka tumayo upang ilagay sa kaniyang higaan ang mahaba n'yang armas.
"Ikaw talaga ang palagi kong inspirasyon dahil walang kapatawaran ang tapang at dedikasyon mo sa ginagawa natin." Tumabi sa kaniya ang kasama na si Roberta. "Maaaring hindi naiitindihan ng ilang tao ang pinaglalaban natin ngunit alam naman natin kung ano ang ginagawa natin kaya hindi natin kailangang matakot," dagdag pa nito.
Tahimik na nakik
