LIGAYA'S POV:
--
SUOT ang isang simpleng jeans at t-shirt, lumabas ako ng apartment ko dala ang isang sling bag na naglalaman ng cellphone, cash at cards. Paunti-unti ay nakakaipon ako dahil sa fast food na pinagtatrabahuhan ko at nakakapagbayad rin ng renta.
Nagpara ako ng taxi at nagpahatid ako kung saan naninirahan si Grace dahil aniya sabay kaming pupunta sa tagpuan namin; ang GMH bar.
Isang prestihiyosong bar ang GMH at masyadong wild ang mga tao roon. Mamayang hating gabi ay nagkakaroon ng special number ang mga babae doon at balak ni Grace pumunta kami doon sa nasabing bar para makita niya umano ang loob no'n.
Sa pagkakaalam ko, para lang sa mayayaman ang bar na 'yon pero affordable naman daw ang drinks at foods. Wala naman akong balak na uminom at gusto ko lang pakisamahan ang
